Kurti: Kadri Veseli ende s’e ka sqaruar deklaratën ‘kujdes po e vrani veten’

Kryetari i Lëvizjes Vetëvendosje, Albin Kurti, përmes një konference për media, ka folur për rastin e vdekjes së aktivistit të VV-së, Astrit Dehari.

“Disa ditë para se Astrit Dehari të humbte jetën, në Kuvend Kadri Veseli pati thënë ‘kujdes po e vrani veten’. Veseli kurrë nuk e ke sqaruar këtë deklaratë tij se çka ka dashur të thotë”, ka thënë Kurti.

Ai tha se partia e tij nuk do të ndalet së kërkuar drejtësi për këtë rast që të shkohet drejt një hetimi të pavarur.

“Ne nuk do të ndalim kërkimin e drejtësisë dhe trysnisë ndaj institucioneve për hetim të pavarur. Kjo kërkesë përkundër premtimeve asnjëherë nuk është lejuar. Gjithashtu do të fillojmë me një interpelancë për kryeministrin Ramush Haradinaj”, ka thënë Kurti.