Loading…

Kurti flet për mediat serbe, kundërshton Asociacionin por nuk i përjashton bisedimet me Serbinë

  • 26/06/2017 | 11:38

Kurti flet për mediat serbe, kundërshton Asociacionin por nuk i përjashton bisedimet me Serbinë

Ai ka thënë se në dialogun e deritashëm në Bruksel nuk i është vënë kurrfarë kushti Beogradit. Sipas tij, dialogu krijon përshtypjen e normalizimit të marrëdhënieve, por në thelb ai vetëm sa thellon ndarjet etnike.


“Ne nuk jemi kundër dialogut, por ne jemi kundër dialogut që Kosovën e shndërron në temë e Serbinë në atë që cakton agjendë”, ka thënë Kurti në intervistën për gazetën e Beogradit “Veçernji novosti”, transmeton Koha.net.

Ai thotë se po u bë kryeministër i Kosovës, njëri nga prioritetet e tij do të jetë dialogu me serbët e Kosovës, ndërsa partia e tij për komunat veriore ka një plan me të cilin parashihen masa të kombinuara sociale e ekonomike.

Në pyetjen pse e vë në pikëpyetje legalitetin e AKS-së, Kurti është përgjigjur se AKS ka rënë ndesh me 23 nene të Kushtetueses së Kosovës dhe se Asociacioni është projekt i Beogradit.

“E ka pranuar Qeveria e korruptuar e Kosovës. Me anë të AKS-së do të pasonte federalizmi i Kosovës në entitetin kosovar e në atë serb me ç’rast Serbia nuk e njeh Kosovë shtet sovran”, ka thënë Kurti duke shtuar se në këtë mënyrë Kosova do të shndërrohej në “Bosnjë të dytë”.

Në pyetjen lidhur me ato që gazeta e Beogradi i quan krime të UÇK-së dhe se ato përgjigjen përgjegjësit, Kurti thotë se nuk beson që UÇK të ketë bërë krime, por beson se ka pasur individë që janë fshehur pas emrit të saj.

Ai mendon se pas UNMIK-ut, Tribunalit të Hagës dhe EULEX-it, Kosovës i duhet drejtësia universale e jo gjykata shtesë si ajo e sapoformuara, Gjykatë Speciale.

Albin Kurti mendon se Kosovës i duhet ushtria për paqe në përpjesëtim me numrin e popullatës, përkatësisht që në radhët e policisë e të ushtrisë të jenë gjithsej 18 mijë deri në 20 mijë pjesëtarë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë