Kryeministri Mustafa në urimin për Pavarësi veçon Haradianjn

Kryeministri Isa Mustafa, u ka drejtuar një urim për 9 vjetorine Pavarësisë, të gjithë qytetarëve të Kosovës, duke veçuar ish kryeministrin Ramush Haradinaj, i cili sipas tij po mbahet pa të drejtë nga autoritetet franceze.

“Juve që çdo ditë po e vëni nga një gur në shtatin e Republikës së Kosovës që sot i mbushi 9 vjet, juve bashkatdhetarë tanë që prore shikoni kah Kosova të cilën e mbështetët aq shumë në fazat më delikate, juve familjeve të dëshmorëve, invalid e veteran të luftës së UÇK-së, ju uroj këtë përvjetor të madh të pavarësisë së shtetit tonë”.

“Këtë përvjetor, kësaj radhe, ia uroj veçmas ish Kryeministrit të Kosovës, z. Ramush Haradinajt, i cili pa të drejtë po mbahet jashtë vendit me fletarrest të serbeve që kryen krime sistematike në Kosovë. Vlerat e lirisë dhe të shtetit të pavarur sikurse edhe e vërteta janë përherë ngadhënjyese, ashtu siç është Kosova!”, ka shkruar kryeministri Mustafa, në Facebook. /gazetametro.net