Kryeministri i Indisë uron Biden për fitoren në zgjedhjet presidenciale

Kryeministri indian Narendra Modi, përgëzoi Presidentin e zgjedhur amerikan Joe Biden të martën në mbrëmje në bisedën e tyre të parë që nga njoftimi i rezultatit të zgjedhjeve më parë këtë muaj, transmeton Gazeta Metro.

Modi në një telefonatë me Biden ra dakord të punojë ngushtë për të avancuar më tej partneritetin e tyre, bazuar në vlera të përbashkëta dhe interesa të përbashkëta, sipas një deklarate të lëshuar nga qeveria indiane.

Modi e përshkroi fitoren e Biden në zgjedhje si “një dëshmi e forcës dhe elastikës së traditave demokratike në Shtetet e Bashkuara”.

“Udhëheqësit diskutuan gjithashtu përparësitë e tyre, përfshirë pandeminë Covid-19, promovimin e aksesit në vaksinat e përballueshme, trajtimin e ndryshimit të klimës dhe bashkëpunimin në Rajonin Indo-Paqësor,” shtoi deklarata.

Kryeministri indian gjithashtu përgëzoi Zëvendës Presidenten e zgjedhur të SHBA Kamala Harris, 56 vjeç, nëna e të cilës është indiane./gazetametro.net