Kryeministri dhe ministrat, bisedime nga mëngjesi për trenin serb

Kryeministri Isa Mustafa, ndodhet në zyrën e tij në Qeveri dhe gjatë tërë ditës ka qenë në koordinim të vazhdueshëm me të gjitha institucionet kompetente, për trajtimin e çështjes së trenit ilegal serb.

Kështu konfirmojnë për gazetametro.net nga burime brenda Qeverisë së Kosovës, ndërsa bëhet me dije se në këtë mes kanë qenë edhe ministrat tjerë.

“Edhe ministri i Punëve të Brendshme, Skënder Hyseni, dhe ministri i Infrastrukturës, Lutfi Zharku dhe autoritetet tjera përgjegjëse ndodhen në zyrat e tyre dhe të gjitha dikasteret tjera relevante janë në krye të detyrës”, konfirmojnë burimet e gazetametro.net

Ndërkaq, nuk është bërë e ditur se cilët do të jenë hapat që do të ndërmerren në këtë rast.