Krasniqi: Thaçi s’është lider i PDK’së, por Kadri Veseli

(E plotësuar)

21:46-Shefi i Grupit Parlamentar të Partisë Demokratike të Kosovës, Memli Krasniqi, ka komentuar kritikat ndaj partisë së tij, se zyrtarët e saj i nënshtrohen presidentit të vendit, Hashim Thaçi.

Ai ka arsyetuar ndikimin e Thaçit te ministrat dhe te deputetët e PDK’së, parti të cilën presidenti i vendit dikur e udhëhiqte.

Krasniqi ka thënë në emisionin “Pressing”, në televizionin T7, se Thaçi “ka autoritet në PDK, sepse ka dhënë kontribut të madh aty”.

Ai ka theksuar se vetë është anëtar i PDK’së, dhe jo njeri i Thaçit apo i Kadri Veselit, kryetarit aktual të partisë

Shefi i Grupit Parlametar të PDK’së, Memli Krasniqi është shprehur se ofrimi i dorëheqjes së Ministrit, Abelard Tahiri nuk është çështje e dy ditëve të fundit, transmeton Gazetametro.net.

Pasi siç thotë Krasniqi, ka qenë një shqetësim i disa ditëve që ka ndiku që në një moment të konsiderohet dorëheqja.

‘Nuk është çështje e dy ditëve të fundit, ka qenë shqetësim i disa ditëve të fundit që kanë ndiku që në një moment me konsideru dorëheqjen’, ka thënë Krasniqi.

Krasniqi shprehet se Tahiri “e ka konsideruar dorëheqjen për shkak të vlerësimeve që i ka pasur për dinamikën e reformave, dhe për fazën e ardhshme, që lidhet me zhvillimet e tjera, që mund të jetë procesi për liberalizimin e vizave”./Gazetametro.net