Krasniqi çuditet pse ka kaq shumë gatishmëri për të falur territor

Kryetari i Këshillit Kombëtar të Nisma-s për Kosovën, Jakup Krasniqi, ka shkruar rreth idesë së re të kryeministrit të Kosovës për formimin e një komisioni për matjen e territorit. Ai, nuk e kupton se si kryeministri këmbëngul për të falur territorin e Kosovës, transmeton gazetametro.net.

Përmes një publikimi në rrjetin social Facebook, Jakup Krasniqi ngrit pyetjen se pse duhet të krijohet edhe një komision i ri.

Lexoni të plotë shkrimin e tij të publikuar në Facebook

KËMBËNGULJA PËR TË FALË TERRITOR!

Njeriu e ka të vështirë ta kuptoj këmbënguljen e Isa Mustafës për të falë territor! Ai tani na paska dalë me një “ide” te “re”, për formimin e një komisioni për matjen e territorit?! Për të qenë “ideja” Edhe më “madhështore” e ka marrë me automatizëm mbështetjen fuqishëm edhe nga kreu i deputetëve të Partisë Demokratike?! Për ketë të fundit, vërtetë me vjen shumë keq!

Po këtu ata e kanë një problem, demarkacioni është përfunduar vetëm me Maqedoninë, me vendet e tjera përreth nuk i dimë se në cilat pika duhet të bëhet matja?! Madje, krejt çështja është, për ketë matje a duhet komision dhe pse?

Se kjo, është një mahi e koalicionit qeverisës askush nuk e vë në dyshim! Çështja është cila dot jetë mahia e radhës nga krerët e këtij koalicioni, i cili po shfaqë shumë gatishmëri për të falur territor?!/gazetametro.net