KQZ: Rezultatet e para mund të shpallen rreth orës 22

Komisioni Qendror i Zgjedhjeve mbajti konferencën e radhës lidhur raundin e dytë të zgjedhjeve të jashtëzakonshme për kryetar komune në Drenas (Gllogoc).

Sipas kryetares së KQZ-së, Valdete Daka, deri në orën 15:00 kanë votuar gjithsejtë 15,610 votues apo në përqindje 29,69 % nga 52 mijë e 569 votues sa përmban Lista Përfundimtare e Votuesve.

Deri në të njëjtën kohë në raundin e parë (4 dhjetor) patën votuar 14 mijë e 193 votues apo 27% e qytetarëve me të drejtë vote.

“Votimi me asistencë, nëse kryhet sipas ligjit, nuk është i ndaluar”, ka thënë Daka.

Daka ka thënë se meqenëse tani në garë janë vetëm 2 kandidatë, “shpresojmë se do të dalim me rezultatet e para diku deri në orën 22:00, por ndodh që edhe më herët”.

Gjithashtu, kryetarja Daka njoftoi se duke u mbështetur në informacione nga Qendrat e Votimi procesi zgjedhor është duke vijuar normalisht.