KQZ cakton ‘tavanin’: Kaq miliona mund të shpenzojnë partitë për zgjedhjet e qershorit

Komisioni Qendror i Zgjedhjeve caktoi zyrtarisht limitin financiar për partitë që do të garojnë për ulëset e Kuvendit, transmeton Gazeta Metro.

Sipas vendimit të fundit, asnjë subjekt politik nuk ka të drejtë të shpenzojë më shumë se 2,092,202 euro gjatë garës elektorale.

Kjo shifër është përllogaritur duke u bazuar në parimin “një euro për një kokë votuesi”, nisur nga lista paraprake prej mbi 2 milionë qytetarëve me të drejtë vote. Drejtuesi i Sekretariatit të KQZ-së, Besnik Buzhala, sqaroi se ky kufizim bazohet në rregulloren e re zgjedhore dhe të dhënat e fundit të listës së votuesve të prillit të këtij viti.

Gara në terren do të nisë më 28 maj dhe do të zgjasë deri më 7 qershor 2026./gazetametro.net