Kosumovic fiton çmim në Zvicër

Çmimeve të aktores nga Kosova May-Linda Kosumovic i është shtuar edhe një tjetër. Kësaj radhe, ajo është zgjedhur aktorja më e mirë e edicionit të radhës të Festivalit “SWIKOS”, i cili prezanton filmin shqiptar dhe mbahet në Bazel të Zvicrës.

Me filmin “1 euro”, me regji të Durim Ilazit, aktorja May-Linda Kosumovic morri çmimin e aktores më të mirë, çmim ky që u nda mbrëmë në ceremoninë përmbyllëse të festivalit “SWIKOS”, nga juria në përbërje të Eshref Durmishit, Michael Flume dhe Tom Gerber. Aktorja u shpreh mjaft e lumtur për këtë arritje, pasi përgjatë dy viteve ajo mblodhi gjithsej katër trofe.

“Ky është çmimi i parë që marr me film, u gëzova shumë kur mora lajmin, pasi që nuk munda të jem e pranishme në festival. Më vjen mirë që puna ime u vlerësua”, tha për KultPlus Kosumovic.

Së fundmi, Kosumovic fitoi çmimin si aktorja më e mirë në Festivalin “Teatri Shqiptar në Maqedoni”, me shfaqjen “Një burrë mes dy grash”.

Së fundmi, May-Linda Kosumovic fitoi çmimin si aktorja më e mirë në Festivalin “Teatri Shqiptar në Maqedoni”, me shfaqjen “Një burrë mes dy grash”./gazetametro.net