Loading…

Kosovës i ndihmon Gjermania në Shëndetësi: Ministri Ismaili takohet me homologun gjerman

  • 06/11/2018 | 15:37

Kosovës i ndihmon Gjermania në Shëndetësi: Ministri Ismaili takohet me homologun gjerman

Kosova ka fituar një aleat të fuqishëm në misionin e saj për transformimin e shëndetësisë. Ministri Ismaili ka marrë sot në Berlin zotimin e shtetit gjerman për mbështetje në reformat e nisura

Ministri i Shëndetësisë i Republikës së Kosovës, Uran Ismaili, është pritur sot në Berlin nga ministri gjerman i Shëndetësisë, Jens Spahn.

Ministri Ismaili dhe ministri Spahn kanë diskutuar për mundësitë se si Gjermania do të mund të angazhohet konrektisht që të ndihmoj edhe reformat e nisura për transformimin e shëndetësisë në Kosovë.

“Në reformat shëndetësore që kemi nisur në Kosovë, ndihma e Gjermanisë do të jetë më se e mirëseardhur. Falënderoj ministrin Spahn për pritjen dhe gatishmërinë e shtetit gjerman që të na gjendet afër në misionin tonë për transformimin e shëndetësisë”, ka thënë ministri Ismaili pas takimit me ministrin gjerman.

“Kërkuam nga Gjermania që me ekspertët e saj, përmes trajnimeve, të na ndihmojë në menaxhimin e spialeve dhe fuqizimin e Fondit të Sigurimeve Shëndetësore. Morëm konfirmimin e ministrit Spahn, se sikur në shumë fusha që Gjermania ka ndihmuar Kosovën, përkrahja e tyre do të vazhdoj edhe në shëndetësi”, shtoi ministri Ismaili.

Nga ana e tij, ministri gjerman Jens Spahn, shprehu gatishmërinë e tij dhe të Gjermanisë që bashkpëunimin e kahmotshëm mes dy vendeve, ta fuqizojnë edhe në fushën e shëndetësisë.

Ministri Ismaili po qëndron për një vizitë tri ditore në Gjermani për të siguruar mbështetjen e shtetit gjerman në reformat për krijimin e një sektori shëndetësor që në qendër ka qytetarin.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë