Loading…

Kosovarit nuk i njihet patent shoferi i Kosovës në Austri, gjobitet me 200 euro

  • 25/06/2022 | 18:44

Kosovarit nuk i njihet patent shoferi i Kosovës në Austri, gjobitet me 200 euro

Një qytetar nga Kosova me emrin Bin B. Aliu, është gjobitur me 200 euro nga policia austriake, pasi që shteti austriak ende nuk njeh patent shoferët e Kosovës.


Në grupin “Network Prishtina”, ai ka publikuar edhe fletën e dënimit dhe një dokument tjetër informues, ku njoftohet me shtetet patent shoferët e të cilave nuk njihen në Austri.

Siç shihet në dokumentin e publikuar, Kosova është në mesin e Afganistanit, Bolivisë, Burdunit, Indonezisë, Somalisë e të tjera vendeve, të cilave nuk u njihet patent shoferi.

“Sot në Austri dënim për shkak t’patent shoferit që nuk na e njohin! PS. s’osht që s’kom dëgju që po dënojnë (edhe pse disa herë kam kalu pa problem), ama kurrfarë njoftimi s’kom pa zyrtarisht në faqe të ambasadës sonë në Wien, e as të Austrisë në Prishtinë… Ma e keqja është që ne jemi në një liste me shtete që mundeni me i pa në foto”, ka shkruar Aliu.

Pak muaj më parë, Gjermania ka vendosur që të njoh patent shoferët e lëshuar nga autorietet e Kosovës, pas negociatave mes dy shteteve dhe një komisioni gjerman që kishte ardhur në Kosovë për të parë nga afër procedurat e lëshimit të patent shoferëve në Kosovë.

Ky problem nuk është zgjidhur ende me Austrinë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë