Kosovare Asllanit i hiqet shiriti i kapitenes, London City Lionesses zgjedh Putellas

Kosovare Asllani nuk do të jetë kapitenia e London City Lionesses për sezonin e ri në elitën e futbollit anglez.

Klubi anglez ka vendosur që këtë rol t’ia besojë Alexia Putellas, e cila iu bashkua skuadrës gjatë afatit kalimtar të verës. Spanjollja 32-vjeçare është dy herë fituese e “Topit të Artë”.

Asllani, 37-vjeçare, është pjesë e London City Lionesses që nga viti 2024. Ajo e vazhdoi kontratën me klubin edhe për një sezon tjetër gjatë verës.

Futbollistja suedeze me origjinë nga Kosova aktualisht po rikuperohet nga një dëmtim i rëndë në gju, të cilin e pësoi në fund të sezonit të kaluar. Pas lëndimit, Asllani iu nënshtrua një ndërhyrjeje kirurgjikale në pranverë dhe tani ndodhet në fazën e rehabilitimit.

Sezonin e ri në elitën e futbollit anglez, London City Lionesses do ta nisë të premten në shtëpi, ku do të përballet me Manchester Cityn.