Loading…

Kosova t’i kontrollojë kufijtë e vet

  • 18/01/2017 | 08:12

Kosova t’i kontrollojë kufijtë e vet

Gjermania i ka dhënë mbështetje aksionit të organeve të rendit për të parandaluar hyrjen e trenit ilegal nga Serbia. Ambasadorja e këtij shteti në Prishtinë, Angelika Viets, ka thënë për “Kohën Ditore” se Kosova si shtet i pavarur ka të drejtë të vendosë se kush hyn në pikat kufitare.


“Gjermania e ka njohur Kosovën si shtet të pavarur, kjo vlen për tërë Kosovën, përfshirë edhe veriun e vendit”, ka thënë Viets.
Teksa ka folur për të drejtën e Kosovës që të vendosë kontroll në kufi, Viets ka komentuar edhe murin ndarës, të vendosur nga autoritetet lokale të Mitrovicës Veriore, me mbështetje të Beogradit. Sipas Viets, Kosovës po i duhet të merret me probleme të cilat i imponohen.

“Si shtet i pavarur, Kosova ka të drejtë t‘i kontrollojë dhe t’i mbrojë kufijtë e vet. Sa i përket murit, më vjen keq që Qeveria e Kosovës duhet vazhdimisht të merret me probleme të cilat i imponohen”, ka theksuar ambasadorja gjermane. Megjithatë ajo ka theksuar se shpreson të gjendet një zgjidhje paqësore për murin.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë