Kosova prezantohej pa fusnotë, Serbia e Spanja braktisin mbledhjen në Vjenë

Sipas kumtesës së Kuvendit të Serbisë, për shkak të njëjtë konferencën e ka braktisur edhe delegacioni i Parlamentit të Spanjës

Një delegacion i Këshillit për punë të jashtme i Kuvendit të Serbisë e ka braktisur sot Konferencën ndërparlamentare mbi politikën e jashtme dhe të sigurisë së përbashkët të BE-së, e cila po mbahet në Vjenë, për shkak të prezantimit të Kosovës me flamur dhe emrin pa fusnote.

Mediet serbe njoftojnë se, sipas kumtesës së Kuvendit të Serbisë, për shkak të njëjtë konferencën e ka braktisur edhe delegacioni i Parlamentit të Spanjës, sepse Parlamenti i Austrisë, si organizator i tubimit “nuk ka dashur” të respektojë kërkesën e dy delegacioneve që përfaqësuesit e “organeve të përkohshme të Prishtinës” të prezantohen “në harmoni me Marrëveshjen mbi përfaqësimin regjional”./gazetametro.net