Kosova ‘arrë e fortë’ për Zvicrën, nxjerr barazim në Cyrih
-
29/03/2022 | 19:55
Ka përfunduar me rezultat të barabartë 1-1 ndeshja ndërmjet Zvicrës dhe Kosovës e zhvilluar në Cyrih, ku duhet duartrokitur paraqitja e ‘Dardanëve’, të cilët luajtën një ndeshje perfekte, transmeton Gazeta Metro.
Qysh në fillim të ndeshjes Kosova u pa që do t’i shkaktoj probleme helvetikëve dhe kështu doli. ‘Dardanët’ arritën të tregojnë që në drejtimin e Alain Giresse mund të synojnë edhe gjëra më të mëdha.
Milot Rashica ishte ai që në minutën e 51′ arriti zhbllokoj rezultatin e ndeshjes, epërsi e cila nuk zgati shumë, pasi që pas dhjetë minutave mbrojtësi, Jordan Lotomba përfitoj nga një dalje e gabuar e portierit, Arijanet Muric, duke barazuar kështu rezultatin e ndeshjes.
Deri në fund, helvetikët provuan të shënonin edhe golin e fitores, por pa mundur të mposhtin mbrojtjen e Kosovës e cila sot u tregua një mur i vërtetë.
Me këtë barazim mbaruan edhe dy ndeshjet miqësore të muajit mars, të cilat ishin shumë të suksesshme, me një fitore të madhe kundër Burkina Fasos me rezultat 5-0 dhe me një barazim kundër Zvicrës. /gazetametro.net
