Mashtroi se do i dërgonte në Evropë, arrestohet i dyshuari

Një person është arrestuar në Merdare, nën dyshimin se ka kontrabanduar migrantë.

Policia njofton se gjatë kontrollit të veturës së të dyshuarit, janë gjetur tre persona, shtetas të Kosovës, të cilëve i dyshuari u kishte premtuar se do t’i dërgonte në shtetet e Bashkimit Evropian, transmeton gazetametro.net.

I dyshuari ua kishte marrë nga 2500 deri 3500 euro për t’i dërguar në vendet e BE-së.

“Njësitet policore gjatë kontrollit tek i dyshuari kanë gjetur dhe sekuestruar para të gatshme 5885 €”, thuhet një njoftimin e Policisë.

Me vendim të prokurorit, viktimat pas intervistimit janë liruar, ndërsa të dyshuarit i është konfiskuar vetura dhe pas intervistimit është dërguar në mbajtje. /gazetametro.net.