Konfiskohen mbi 10 kg lëndë narkotike në Vermicë

Mbrëmë rreth orës 23:40, në Vermicë Policia e Kosovës ka konfiskuar 10 kg lëndë narkotike, transmeton Gazeta Metro.

Konfiskimi ka ndodhur pasi policia ka vërejtur një person të dyshuar afër rrethojës së autostradës dhe në afërsi një veturë të ndaluar me targa gjermane. Patrulla policore gjatë kontrollit të personit, të veturës dhe hapësirës përreth gjen një çantë me 20 qese substancë e dyshuar e llojit marihuanë.

Sasia e substancës narkotike e gjetur është: 10 kg e 068 g. Gjatë marrjes në pyetje të të dyshuarit, i njëjti tenton t’u ofrojë 100 euro mito zyrtarëve policorë.

Me urdhër të prokurorit i dyshuari B.M, lindur më 1987, mashkull shtetas i Kosovës, dërgohet në ndalim policor për 48 orë.

Po ashtu, policia sekuestron si provë materiale: substancën narkotike (10 kg e 068 g.), veturën e të dyshuarit dhe dy kartëmonedha nga 50 euro./gazetametro.net