Kodi na forcon në arenën ndërkombëtare

Presidenti i vendit, Hashim Thaçi ka siguruar se me kodin e ri telefonik do të eliminohet tërësisht operatoret ilegal që deri me tash kanë funksionuar në territorin e Kosovës.

Kodi telefonik +383 është pronë e Kosovës, me të cilin do të administrojnë institucionet tona, Hashim Thaçi.

Ai thotë se kodi telefonik, i arritur përmes marrëveshjes, një ditë më parë në Bruksel, si pjesë e marrëveshjes me Serbinë, forcon Kosovën në arenën ndërkombëtare dhe hap rrugë për programimin shtetërorë të digjitalizimit.

Ky është postimi i Presidentit Thaçi në facebook: 

Pozicioni i shtetit tonë forcohet edhe më shumë në arenën ndërkombëtare me kodin e ri në fushën e telekomunikacionit.

Kodi telefonik +383 është pronë e Kosovës, me të cilin do të administrojnë institucionet tona. Operimet ilegale dhe pengesat e deritashme do të eliminohen në tërësi.

Tash Kosovës i është hapur rruga që ta jetësojë edhe programin shtetëror të digjitalizimit.