Klienti rrahet bëhet ‘llom’ nga pronari dhe punëtorët e tij: I fut zjarrin një veture dhe një motoçiklete

Policia e Kosovës ka njoftuar se në fshatin Zhur të Prizrenit, një i dyshuar mashkull i ka vënë zjarrin garazhdës së një lokali, ku janë djegur një veturë, një motoçikletë dhe gjësende tjera, transmeton Gazeta Metro.

Bëhet e ditur se kjo zjarrëvënie ka ardhur, pasi që pronari i lokalit me dy punëtorët e tij, e ka rrahur të dyshuarin mashkull dhe më pas ai ja ka vënë zjarrin objektit.

Policia njofton se katër të dyshuarit janë arrestuar dhe janë dërguar në mbajtje.

Raporti i plotë i Policisë së Kosovës:

Fsh. Zhur, Prizren 13.09.2019 – 02:55.  I dyshuari mashkull K-Shqiptar, pasi që është rrahur nga pronari i lokalit dhe dy punëtorët e tij të dyshuar meshkuj K-Shqiptarë, i njëjti i ka vënë zjarrin garazhdës të pronarit të lokalit. Si pasojë e zjarrit, janë djegur një veturë, një motoçikletë dhe disa gjësende tjera. Katër të dyshuarit janë arrestuar, ku i dyshuar i rrahur ka pranuar tretman mjekësor me vendim të prokurorit të dyshuarit janë dërguar në mbajtje.