Loading…

Kjo është pasuria e kryetarit të ri të Kuvendit, Glauk Konjufca

  • 26/12/2019 | 18:05

Kjo është pasuria e kryetarit të ri të Kuvendit, Glauk Konjufca

Nënkryetari i Lëvizjes Vetëvendosje, Glauk Konjufca ka detyrime financiare prej 61,296.00 eurove në një bankë komerciale në Kosovë, tregon formulari i publikimit financiar të tij në Komisionin Qendror të Zgjedhjeve.


Sipas këtij formulari të plotësuar nga Konjufca më 26 gusht, njeriu i dytë më i votuar i Lëvizjes Vetëvendosje në zgjedhjet e 6 tetorit, posedon dy banesa me mbi 100 metra katror në lagjen Kalabria në Prishtinë.

Të dy këto pasuri të paluajtshme, anëtari i Lëvizjes Vetëvendosje i ka deklaruar si pronë të regjistruar në emrin e tij, shkruan Insajderi.

Por, kredinë të cilën e ka deklaruar pranë formularëve të paraqitur në Komisionin Qendror të Zgjedhjeve, Konjufca nuk e kishte deklaruar në formularët e deklarimit të pasurisë në Agjencinë Kundër Korrupsionit disa muaj më parë.

Konjufca fitoi edhe një mandat tjetër deputeti në zgjedhjet parlamentare të 6 tetorit në Kosovë.

Ai ka shërbyer si deputet në katër legjislaturat e fundit, pasi për herë të parë ulëse në Kuvendin e Kosovës kishte siguruar në vitin 2010.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë