Këto janë motivet e sulmit në veri të Mitrovicës

Para më shumë se një ore, një objekt i lëshuar me qira për objektet e Qeverisë së Kosovës, u godit nga një granatë. Për këtë kishte raportuar më herët gazetametro.net.

Por, sic bëjnë të ditur burime të gazetës atje, sulmi ka pasur cak frikësimin e Sasa Debovic, i cili e ka lëshuar më qira objektin “Hotel Sasha” për Qeverinë e Kosovës.

Burimet e gazetametro.net tregojnë se sulmi është bërë me tendencë të frikësimit të pronarit dhe dyshohet se më këso lloj sulme, tentohet të frikësohen institucionet e Kosovës atje për ta shtuar prezencën në Veri.

Objekti i sulmuar quhet “Hotel Sasha”, katet e poshtme të të cilit u janë lëshuar institucioneve të Kosovës më herët.

Më herët kishte ndodhur edhe një sulm ndaj kësaj ndërtese. Sulmi i parë ka ndodhur më 28 dhjetor, ndërkaq sonte për të dytën herë është hedhur bombë aty./gazetametro.net