Loading…

Këshilltari i Presidentit për Kurtin: Uzurpoi Qeverinë duke larguar njerëzit kryesor të LDK’së

  • 20/04/2020 | 11:34

Këshilltari i Presidentit për Kurtin: Uzurpoi Qeverinë duke larguar njerëzit kryesor të LDK’së

Adil Behramaj, këshilltar i presidentit Hashim Thaçi, kanë akuzuar Qeverinë e drejtuar nga kryeministri i shkarkuar, Albin Kurti për uzurpim të ekzekutivit, transmeton Gazeta Metro.


Siç thotë Behramaj, kryeministri në largim ashtu siç ka bërë me largimin e njerëzve kryesorë të LDK’së duke uzurpuar Qeverinë, po mundohet të uzurpojë kompetencat e Kuvendit dhe të Presidentit.

Përmes një postimi në Facebook, Behramaj është shprehur se Kurti po tenton të instalojë monizmin në një shtet me demokraci parlamentare, me vetëm 26.2% të votave.

” Edhe përbërja aktuale e Qeverisë së shkarkuar është falsifikim i vullnetit të qytetarëve të shprehur në zgjedhjet e 6 tetorit. Ashtu siç po mundohet t’i uzurpojë kompetencat e Kuvendit dhe Presidentit, Kurti me largimin e njerëzve kryesorë të LDK-së e kishte uzurpuar edhe Qeverinë, duke e kthyer në Qeveri njëpartiake. Në një shtet me demokraci parlamentare, ai po tenton ta instalojë monizmin me vetëm 26.2% të votave. Në anën tjetër, përkundër që është shkarkuar me votat e 2/3 të deputetëve, ai as që po e pranon këtë vullnet të përfaqësuesve të popullit. Pra, Kurti po pretendon të qëndrojë në krye të Qeverisë, duke e refuzuar çdo procedurë të paraparë kushtetuese dhe ligjore për emërimin e një Qeverie të re”, ka thënë tutje Behramaj.

Postimi i plotë i tij:

“Edhe përbërja aktuale e Qeverisë së shkarkuar është falsifikim i vullnetit të qytetarëve të shprehur në zgjedhjet e 6 tetorit. Ashtu siç po mundohet t’i uzurpojë kompetencat e Kuvendit dhe Presidentit, Kurti me largimin e njerëzve kryesorë të LDK-së e kishte uzurpuar edhe Qeverinë, duke e kthyer në Qeveri njëpartiake. Në një shtet me demokraci parlamentare, ai po tenton ta instalojë monizmin me vetëm 26.2% të votave. Në anën tjetër, përkundër që është shkarkuar me votat e 2/3 të deputetëve, ai as që po e pranon këtë vullnet të përfaqësuesve të popullit. Pra, Kurti po pretendon të qëndrojë në krye të Qeverisë, duke e refuzuar çdo procedurë të paraparë kushtetuese dhe ligjore për emërimin e një Qeverie të re.

Ky Kuvend i dalë nga zgjedhjet e 6 tetorit ka legjitimitet trefish më të madh se Albin Kurti.

Nëse ekspertët e tij ligjorë vlerësojnë se gjatë procedurës së emërimit të Qeverisë së re shkelet Kushtetuta e Kosovës, Gjykata Kushtetuese krahëhapur i pret. Por, fatkeqësisht, as që ju intereson kushtetutshmëria dhe Qeveria e tij e ka dëshmuar këtë duke e shkelur jo vetëm Kushtetutën, por edhe vendimin e Gjykatës Kushtetuese!

Më herët na flisnin shumë për kapjen e institucioneve. Por, kjo është kapja më e paprecedent e pushtetit ekzekutiv në historinë e demokracisë dhe jetës institucionale në Republikën e Kosovës!

Me gjuhën tempomatëse të Kurtit çdo kapje e kanë pasur nga “Adagio e Andante” në “Allegro”. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë