Loading…

Këshilltarëve të ish-presidentit Trump u dërgohen kërkesa për dëshmi për sulmin në Kapitol

  • 24/09/2021 | 07:52

Këshilltarëve të ish-presidentit Trump u dërgohen kërkesa për dëshmi për sulmin në Kapitol

Një Komision i Dhomës së Përfaqësuesve që po heton sulmin 6 janarit në Kapitol u ka dërguar kërkesa ligjore për të dhënë dëshmi katër këshilltarëve dhe bashkëpunëtorëve të ish-presidentit Donald Trump, të cilët ishin në kontakt me të para dhe gjatë sulmit.

Komisioni u ka dërguar kërkesa zyrtare ish-shefit të personelit të Shtëpisë së Bardhë Mark Meadows, ish -zëvendës shefit të personelit tëShtëpisë së Bardhë për komunikim,Dan Scavino, ish -zyrtarin e Departamentit të Mbrojtjes, Kashyap Patel dhe ish -këshilltarin e ish-presidentit Trump, Steve Bannon.

Kryetari i Komisionit, ligjvënësi demokrat Bennie Thompson, në letrën dërguar katër ish-zyrtarëve, shkruante se komisioni po heton “faktet, rrethanat dhe shkaqet” e sulmit dhe u kërkoi atyre të prodhonin dokumente dhe të paraqiteshin për të dëshmuar në mes të tetorit.

Kërkesat për paraqitje të detyrueshme janë një përshkallëzim domethënës për Komisionin, i cili planifikon të nisë fazën e marrjes së dëshmitarëve në pyetje pas shqyrtimit të mijëra dokumenteve që ka marrë nga agjencitë federale dhe kompanitë e mediave sociale. Qëllimi i tyre është të sigurohet një pasqyrë e plotë e asaj që ndodhi, kur mbështetësit e zotit Trump sulmuan policinë dhe ndërprenë përkohësisht çertifikimin e fitores së Presidentit Joe Biden, dhe për të shmangur përsëritjen e ngjarjeve të këtij lloji në të ardhmen.

Qindra mbështetës të ish-presidentit Trump hynë me dhunë në Kapitol më 6 janar dhe u përpoqën të përmbysnin humbjen e tij, duke ndërprerë përkohësisht çertifikimin e fitores së Presidentit Joe Biden./VOA

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë