Kënga ‘Baba im’ e Minatorit, 14 vite më vonë i gjen të plakura e të pazgjidhura problemet e punëtorëve

14 vite më parë, kënga “Baba im” nga grupi Minatori u publikua si një rrëfim i dhimbshëm për jetën e minatorëve të Trepçës në Mitrovicë, për njerëzit që zbrisnin çdo ditë në thellësi të tokës me shpresën e vetme për të siguruar bukën e familjes, shkruan Gazeta Metro.

Sot, në vitin 2026, ajo këngë nuk tingëllon si kujtim i largët, por përkundrazi si një realitet ende i pazgjidhur, që vazhdon të bartë të njëjtat sfida.

Minatorët dhe punëtorët në shumë sektorë vazhdojnë të përballen me probleme të njëjta: paga të ulëta, kushte të rënda pune, mungesë sigurie dhe lodhje të vazhdueshme. Një barrë që, pavarësisht viteve që kanë kaluar, nuk është lehtësuar në mënyrë të ndjeshme.

Edhe sot, shumë prej tyre ndihen të lënë pas dore, me vështirësi të shtuara në jetesë dhe me ndjenjën se puna e tyre nuk vlerësohet sa duhet nga institucionet. Të shkelur, përbuzur e nënçmuar nga dora e vetë pushtetit e cila në vend se të zgjatej për ndihmese, zgjatet për t’ua marr edhe atë të fundit kafshat.

Në këtë realitet, 1 Maj,  Dita Ndërkombëtare e Punëtorëve, nuk është vetëm një datë simbolike në kalendar, por një kujtesë e vazhdueshme e një beteje që ende nuk ka përfunduar. Një ditë që rikthen në vëmendje dinjitetin e punëtorit, të drejtat e tij dhe nevojën për kushte më të sigurta dhe më të drejta pune.

Në fund, “Baba im” nuk mbetet vetëm një këngë për një brez të kaluar, por një pasqyrë e një shoqërie që ende përballet me pyetje të njëjta sociale dhe ekonomike, të cilat kërkojnë zgjidhje edhe sot./gazetametro.net