Loading…

Kek i butë me mandarina, shija e duhur e dimrit

  • 29/01/2022 | 10:47

Kek i butë me mandarina, shija e duhur e dimrit

Jemi në stinën e mandarinave të mira e të shëndetshme ndaj përfitoni të përgatisni receta të mrekullueshme me to.


E tillë është receta e kekut të butë të mbushur me mandarina dhe lëkura mandarinash.

Një përgatitje e shpejtë që do t’ju ëmbëlsojë ditët tuaja të dimrit.

Përbërësit

450 gr mandarina

100 ml vaj ulliri

300 gr miell

2 vezë

16 gr pluhur fryrës për ëmbëlsira

300 gr sheqer

100 ml kos

Sheqer pluhur

Përgatitja

Për të nisur me përgatitjen e kësaj recete AgroWeb.org ju këshillon të lani mirë 2-3 mandarina dhe më pas t’i qëroni.

Merrni pak nga lëkura e tyre dhe hidheni në një mikser, po ashtu edhe pjesën tjetër të mandarinave të qëruara.

Shtoni kosin, vezët, sheqerin, vajin, miellin dhe pluhurin pjekës tek mikseri.

Vendosni kapakun e mikserit dhe përzieni të gjithë masën derisa të formohet brumi.

Bëni gati një tavë pjekje rrethore, lyejeni me gjalpë dhe miell e më pas hidhni brumin tek tava.

Tundeni pak tavën e kekut në mënyrë që të dalin bulëzat e ajrit tek brumi.

Ndizni sobën në temperaturën 180 gradë dhe futeni kekun të piqet kur furra të jetë e ngrohtë.

Lëreni në furrë për 75 minuta, por pas 30 minutave të para mbulojeni kekun me një letër pjekje.

Pasi të jetë pjekur plotësisht, hiqni letrën dhe lëreni të ftohet para se ta shërbeni.

Në fund spërkateteni kekun tuaj me pak sheqer pluhur për më shumë shije.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë