Loading…

Kandic i kundërvihet Vucicit rreth të pagjeturve, përmend rastin e Ramë Manajt

  • 16/06/2021 | 11:06

Kandic i kundërvihet Vucicit rreth të pagjeturve, përmend rastin e Ramë Manajt

Natasa Kandiq, nga Fondi për të Drejtën Humanitare në Serbi, ka goditur presidentin serb Aleksandar Vucic, duke i kujtuar se kryetari i Komisionit për Personat e Zhdukur në Kosovë është Ramë Manaj, familjarët e të cilit janë zhdukur në 1999, shkruan Gazeta Metro.


Kandic, përmes një postimi në Twitter i tha presidentit serb se kryetari i Komisionit për Personat e Zhdukur në Kosovë është Ramë Manaj, familjarët e të cilit u zhdukën në prill 1999, dhe mbetjet e tyre janë gjetur në një liqen në Serbi.

Tutje, Kandic shkroi se kryetari i këtij komisioni në Serbi, është Veljko Odalovic, që sipas saj nuk ka besueshmëri morale për të udhëhequr këtë komision.

Kandic tha se kryetar i këtij komisioni duhet të jetë një person që nuk është i komprementuar nga nacionalizmi dhe korrupsioni.

“Kryetari i Komisionit për Personat e Zhdukur në qeverinë e Kosovës është Ramë Manaj, djali 18-vjeçar i tij, Ylli, vëllau Smajl dhe disa familjarë janë parë së fundi më 4 prill 1999 në fshatin Kralan. Mbetjet e vëllaut të tij dhe 18 personave të tjerë të cilët u zhdukën në Kralan janë gjetur në Liqenin Perucac. 48 të tjerë janë në listën Komitetit Ndërkombëtar të Kryqit të Kuq për të zhdukurit”, ka shkruar Kandic.

Dje gjatë takimit Kurti-Vucic, temë ishte edhe çështja e personave të zhdukur, ku u kërkua nga kryeministri Kurti largimi i Veljko Odalovic nga pozita që mban, pasi ka qenë udhëheqës i Kosovës në kohën e regjimit të Milosevicit./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë