Loading…

Kandadati shqiptar për president të Maqedonisë së Veriut, tregon se çfarë do të bëjë nëse i fiton zgjedhjet

  • 11/03/2019 | 09:46

Kandadati shqiptar për president të Maqedonisë së Veriut, tregon se çfarë do të bëjë nëse i fiton zgjedhjet

Blerim Reka, kandidati shqipar për president të Maqedonisë së Veriut, ka treguar se nëse e fiton mandatin, synim i tij është kthimi i rendit republikan dhe depersonalizimi i shtetit, transmeton Gazeta Metro


Kandidati i vetëm shqiptar për president të Maqedonisë së Veriut, Blerim Reka, ka thënë se përkrahja e qytetarëve për kandidaturën e tij është e rëndësishme. Megjithatë, sipas tij, vota do ta përcaktojë fituesin në zgjedhjet që pritet të mbahen më 21 prill të këtij viti. Reka gjatë intervistës ka pohuar se synimi i mandatit të tij presidencial është kthimi i rendit republikan dhe depersonalizimi i shtetit.

“Nëse duan ta ndryshojnë gjendjen intelektualët duhet ta thyejnë kufirin midis vëzhguesit, kritikuesit verbal dhe veprimtarit aktiv. Pa marrë përgjegjësi politike nuk mund të bëhen ndryshime”. Kështu ka deklaruar në një intervistë për “Zërin” kandidati i vetëm shqiptar për president të Maqedonisë së Veriut, Blerim Reka, duke shtuar se kandidatura e tij e pavarur është mbështetur nga dy partitë politike shqiptare të opozitës: Aleanca për Shqiptarët dhe Lëvizja Besa, shkruan sot gazeta “Zëri”.

Ish-ambasadori i Maqedonisë në Bruksel gjatë intervistës ka thënë se programi i tij përpos elektoratit shqiptar synon edhe tërheqjen e një pjese të elektoratit maqedonas.

Ndërkohë ka bërë të ditur se prioritet i mandatit të tij presidencial është kthimi i Maqedonisë së Veriut në Republikë multietnike dhe euroatlantike. Republikën e vërtetë, siç është shprehur Reka, e bëjnë vetëm sundimi i ligjit, demokracia, gjyqësori i pavarur dhe respektimi i të drejtave të njeriut. Kjo pasi deri më tash, sipas profesorit universitar nga Maqedonia, ka qenë asgjë më shumë se një shtet privat dhe i kapur./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë