Loading…

Kamerieri i vrarë në Mitrovicë nuk ishte caku – arrestohet ai që i shpëtoi atentatit

  • 25/05/2017 | 21:58

Kamerieri i vrarë në Mitrovicë nuk ishte caku – arrestohet ai që i shpëtoi atentatit

Kur me 5 maj të këtij viti në Mitrovicë ishte vrarë Ermal Kamberaj që punonte në kafiterinë “Check In”, vendi u shokua me aktin e tmerrshëm duke ngjallur shumë reagime të ashpra për pa sigurinë në këtë qytet, por 20 ditë më vonë, Insajderi ka marrë vesh se ai nuk ishte caku i vrasjes.


Në fakt, Kamberaj është vrarë pa bërë asnjë faj dhe duke mos qenë fare si target i vrasjes.

Target i vrasjes ishte dikush tjetër. Ai quhet Shpëtim H. me pseudonimin SHPUTA, një person i njohur për prokurorinë.

Shputa është arrestuar sot nga Policia në Mitrovicë, me një urdhërarrest të Gjykatës.

Fexherie Pllana nga Zyra për Informim në Policinë e Kosovës i ka konfirmuar Insajderit, arrestimin e të dyshuarit, por ajo tha se arrestimi i tij nuk ka të bëjë me vrasjen e Kamberajt, 24 vjeçarit nga Mitrovica.

“Mund të informoj se ky person është me urdhëresë të gjykatës. Për të tjera detaje mund të japim nesër”, ka thënë Pllana për Insajderin.

Por Insajderi, sipas burimeve brenda Policisë merr vesh se Shpëtim H.me pseudonimin SHPUTA është arrestuar për një rast tjetër të vrasjes.

Ai dyshohet se është i lidhur me shumë aktivitete të paligjshme dhe vepra penale.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë