Loading…

“Jemi pronarë të Mesdheut”: Nuk ndalet Erdogan, paralajmëron grekët

  • 28/09/2020 | 18:48

“Jemi pronarë të Mesdheut”: Nuk ndalet Erdogan, paralajmëron grekët

Nuk kanë të ndaluar kërcënimet drejt Greqisë nga Presidenti i Turqisë, Rexhep Tajip Erdogan sa i përket situatës në Mesdheun Lindor.


Nga njëra anë, ai duket i hapur për dialog me Greqinë dhe BE-në, nga ana tjetër, ndërsa nga ana tjetër kujdeset që të kujtojë se ky dialog do të zhvillohet me kushtet e tij, shkruajnë mediat greke.

“Turqia është një vend mesdhetar. Ne nuk jemi mysafirë, por pronarë“, tha Erdogan, gjatë një konference në Stamboll, duke dërguar një mesazh të qartë në lidhje me pozicionin e Turqisë përpara takimit të ardhshëm të BE.

“Ne jemi pro paqes dhe bashkëpunimit, por kundër asaj që është bërë. Problemi në Mesdhe mund të zgjidhet me bashkëpunimin e të gjitha vendeve. Nuk do të ketë paqe në Mesdheun Lindor, në çdo përpjekje që lë anash Turqinë dhe Turqit qipriotë”, shtoi ai.

“Ka interesa ekonomike prapa provokimeve në Mesdheun Lindor “, tha Erdogan, ndërsa shtoi: “Disa e kanë kthyer Mesdheun në një varrezë refugjatësh.”

Menjëherë pas këtyre deklaratave të forta, Erdogan tha:”Si një komb që është vazhdimi i Perandorisë Osmane, ne duam që një klimë paqeje të mbizotërojë në rajon. Ne mund t’i zgjidhim problemet në Mesdhe, jo me përjashtime, por me të gjithë lojtarët përreth të njëjtës tryezë.”

Dhe në përfundim theksoi: “Le ta kthejmë Mesdheun në një legen paqeje. Le të mos i ndotim ujërat e tij me armiqësi të reja.”

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë