Loading…

Jemi pajtuar që muri të ridizajnohet, jo të rrënohet

  • 15/12/2016 | 08:37

Jemi pajtuar që muri të ridizajnohet, jo të rrënohet

Kryetari i Komunës së Mitrovicës së Veriut, Goran Rakiq, ka deklaruar se nuk do të rrënohet muri në veri, mirëpo, sipas tij, ai do të ridizajnohet, ku do të ndërtohen edhe shkallët.

Këto komente Rakiq i ka bërë gjatë një prononcimi për gazetën “Zëri”, duke shtuar se për këtë gjë janë marrë vesh me bashkësinë ndërkombëtare dhe me palën kosovare.

“Nuk do të ketë rrënim të këtij muri, por do të ketë një ridizajnim të tij, çka do të thotë se do të jetë më i ulët dhe për këtë jemi marrë vesh si me bashkësinë ndërkombëtare, ashtu edhe me palën kosovare”, ka deklaruar ai.

Madje, sipas tij, ky mur do të rezultojë me një projekt shumë të bukur, i cili nuk ka të bëjë fare me ndarjen.

“Nuk dua të flas për murin si diçka negative apo ndarëse. Ky mur nuk ka të bëjë me ndarje, por është pjesë e një shëtitoreje e cila do të jetë mjaft e bukur për sy, por edhe për ata që do ta shfrytëzojnë, pasi do të ketë edhe shkallë”, ka shtuar i pari i Mitrovicës së Veriut.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë