Jashtëtokësorët mund të shkatërrojnë njerëzimin me një mesazh

Një grup shkencëtarësh të qendrës kërkimore shkencore amerikane në Huawai kanë vënë alarmin se jashtëtokësorët mund të shkaktojnë apokalipsin për njerëzimin, pa qenë nevoja që të na vizitojnë.

Këshilla e tyre është që në të ardhmen, çdo mesazh i marrë prej jashtëtokësorëve të fshihet menjëherë dhe të mos hapet.

“Këto mesazhe mund të bartin me vete inteligjencë artificiale që mund të shkatërrojë sistemet elektronike tonat në rastin më të keq dhe të sinjalizojë alienët për vendndodhjen tonë”, thonë ata.

Në letrën e hapur, me studiuesit e Hauait janë bashkuar edhe ata të Observatorit Sonneberg në Gjermani.

“Duhet të kuptojmë se ashtu siç mund të infektojmë kompjuterin apo telefonin tonë duke hapur një mesazh që përmban virus, e njëjta gjë, por me pasoja shumë herë më të rënda mund të na ndodhë edhe me mesazhet aliene”, thotën shkencëtarët.

Për këtë, grupi i studiuesve këshillon që njerëzimi të mos transmetojë asnjë sinjal në hapësirë dhe së dyti të ndërtojë një sistem të vetin dhe të sigurtë në rast kontakti me jashtëtokësorët.