Pronarja e një qeni ka filmuar kafshën e saj ndërsa përplaset dhe mbështetet tek dera pasi kishte ngrënë një cigare me hashash kur kishin dalë për një shëtitje.
Chloe O’Neill, nga Glasgow i Skocisë, publikoi në “Twitter” gjendjen e çorientuar të qenit të saj, Gunnar, i cili kishte konsumuar aksidentalisht drogë.
Qeni dallohet që i dridhen këmbët dhe duket i përgjumur, ndërsa dyshja pret radhën në zyrën e veterinerit.
Ajo publikoi pamjet duke shkruar: “Jo çdo ditë qeni yt kalon nën efektin e drogës, sepse e ka konsumuar atë, ndërsa kishim dalë për shëtitje u detyruam ta dërgosh më pas në spital”.
Shumë prej komentuesve i kanë cilësuar pamjet si qesharake, ndërsa disa të tjerë e kanë marrë si një shembull që duhet ta shohin konsumatorët e lëndëve narkotike, për të parë në këtë mënyrë edhe efektin që ajo jep, tek ata.
https://www.youtube.com/watch?v=U9H73fGd910