Izraeli vret shefin e selisë së naftës të IRGC’së në sulmin ndaj Teheranit

Ushtria izraelite njoftoi se ka vrarë Mohammadreza Ashrafi, një zyrtar të lartë të Korpusit të Gardës Revolucionare Islamike (IRGC), në një sulm të premten në Teheran, transmeton Gazeta Metro.

Sipas deklaratës zyrtare, Ashrafi ishte përgjegjës për operacionet tregtare të selisë së naftës, të cilat gjeneronin miliarda dollarë në vit për të financuar aktivitetet ushtarake të IRGC-së dhe aleatëve të saj në Lindjen e Mesme.

Ushtria izraelite përmendi se fondet e administruara nga Ashrafi ndihmonin grupe si Huthitët, Hezbollahu dhe Hamasi, duke zgjeruar ndikimin ushtarak të Iranit në rajon.

“Ashrafi mbikëqyri operacionet tregtare të selisë së naftës, aktivitete me vlerë miliarda dollarë në vit që ndihmojnë në zgjerimin e aftësive ushtarake të IRGC-së dhe ato të forcave të përfaqësuara nga Irani në të gjithë Lindjen e Mesme, duke përfshirë Huthitët, Hezbollahun dhe Hamasin”, tha ushtria në një deklaratë.

Ky sulm vjen vetëm disa javë pas vrasjes së Jamshid Eshaghi, komandant i selisë së naftës të forcave të armatosura iraniane, duke sinjalizuar një seri të mundshme goditjesh kundër udhëheqësve të IRGC-së./gazetametro.net