Izraeli godet në zemër të Hamasit: Kapet i gjallë shefi i aparatit të sigurisë thellë në Gaza

Forcat speciale izraelite kanë kryer një operacion brenda Gazës, ku kanë arritur të kapin të gjallë një figurë të lartë të Hamasit dhe më pas ta nxjerrin nga Gaza drejt Izraelit, transmeton Gazeta Metro.

Kapjen e tij e ka konfirmuar edhe ministri izraelit i Mbrojtjes, Israel Katz, i cili e ka përshkruar të arrestuarin si një operativ të lartë të Hamasit.

Sipas zyrtarëve izraelitë, personi i kapur dyshohet se drejton Aparatin e Sigurisë së Përgjithshme të Hamasit, një strukturë që ka rol të rëndësishëm në mbrojtjen e udhëheqësve të organizatës.

Ky aparat merret me sigurimin e drejtuesve të Hamasit, organizimin e lëvizjeve dhe takimeve të tyre, si dhe me komunikimet e sigurta. Po ashtu, anëtarët e tij ndihmojnë në zhvendosjen e udhëheqësve mes strehimeve dhe vendeve të ndryshme të emergjencës.

Sipas Izraelit, aparati gjithashtu mbledh informacione për forcat izraelite dhe operacionet e tyre, ndërsa merret edhe me identifikimin e personave të dyshuar për bashkëpunim dhe me shtypjen e kundërshtimit të brendshëm.

Zyrtarët izraelitë e krahasojnë rëndësinë e këtij posti me atë të kreut të Shin Bet-it në Izrael./gazetametro.net

Israeli special forces carried out a deep operation inside Gaza to capture a senior Hamas figure.

What we know so far:

• The target was captured alive and extracted from Gaza into Israel.

• Defense Minister Israel Katz confirmed the capture of a senior Hamas operative.

•… pic.twitter.com/MLJPrtPSHe

— Open Source Intel (@Osint613) September 1, 2026