Loading…

Izraeli bëhet me president të ri

  • 03/06/2021 | 08:40

Izraeli bëhet me president të ri

Në mes të krizës qeveritare në Izrael ish-lideri i opozitës, Izchak Herzog u zgjodh president. Ai fitoi qartë ndaj mësueses Miriam Peretz.


Izchak Herzog vazhdon në këtë mënyrë gjurmët e të atit, Chaim Herzog, i cili ka qenë po ashtu presidenti i Izraelit. Parlamenti e zgjodhi Izchak Herzogun me 87 vota pro dhe 26 vota kundër. Presidenti ka kryesisht detyra përfaqësuese. 60-vjeçari konsiderohet si përfaqësues i elitës me origjinë evropiane dhe është shekullar.

Ai fitoi ndaj mësueses dhe aktivistes 67-vjeçare Miriam Peretz, e cila vjen nga një familje me prejardhje të thjeshtë, është fetare dhe konsiderohet si figura drejtuese e hebrenjve me origjinë orientale në Izrael.

Herzog dëshiron të ndërtojë ura komunikimi

Herzogu tha se do të jetë “President i të gjithë Izraelitëve” dhe do të punojë për unitetin e vendit . “Tani është koha për të ndërtuar ura.” tha ai duke deklaruar se do të vazhdojë të luftojë kundër antisemitizmit dhe urrejtjes ndaj Izraelit në të gjithë botën.

Herzog ka udhëhequr Partinë Social Demokrate të Punës që nga viti 2013. Në vitin 2018 ai u bë kryetar i Agjencisë Hebraike, e cila është përgjegjëse, ndër të tjera, për imigracionin në Izrael.

Kryeministri Benjamin Netanjahu e uroi Herzogun përmes një postimi  në Twitter. Ai i uroi atij suksese në emër të të gjithë izraelitëve.

Zgjedhja e presidentit u zhvillua pak para zëvendësimit të pritshëm të kreut konservator të qeverisë së djathtë, e cila është prej vitesh në pushtet.

Herzog do të marrë detyrën nga Presidenti i mëparshëm Reuven Rivlin në 9 korrik. Detyrat më të rëndësishme të kreut të shtetit përfshijnë faljen e të burgosurve dhe ngarkimi i një personi për të formuar qeverinë e re. Presidenti zgjidhet nga parlamenti çdo shtatë vjet me votim të fshehtë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë