Loading…

Itali, sekuestrohen 510 kg marijuanë nga Shqipëria

  • 05/01/2017 | 13:21

Itali, sekuestrohen 510 kg marijuanë nga Shqipëria

Finalizohet një tjetër operacion i përbashkët mes Policisë së Shtetit dhe Guardia di Finanza, me sekuestrimin e rreth 510 kg marijuanë dhe arrestimin e një trafikanti.


Sipas policisë shqiptare, mbrëmjen e djeshme, rreth orës 21:00 në lokalitetin Torre Veneri të Leçes, pas shkëmbimit të informacionit me Policinë e Shtetit, GdF e rajonit të Pulias ka goditur tentativën për realizimin e trafikut ndërkombëtar të lëndëve narkotike.

Me gjithë motin shumë të keq dhe detin me dallgë deri në 7 ballë, trafikanti ka provuar të çajë “rrjetën” e policisë, por ka dështuar. Në bordin e motoskafit të bllokuar, i cili është i gjatë rreth 5.5 metra, Guardia di Finanza ka sekuestruar rreth 510 kg marijuanë.

Trafikanti i ndaluar është identifikuar si shtetasi shqiptar me inicialet A.M, 29 vjeç. Hetimet vijojnë për identifikimin dhe arrestimin e dy personave të tjerë të përfshirë në këtë trafik.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë