Islam Selmani i siguron Kosovës medaljen e shtatë në Lojërat Mesdhetare

Karateisti kosovar Islam Selmani ka siguruar medaljen e shtatë për Kosovën në kuadër të Lojërave Mesdhetare.

Suksesi i tij shënon njëkohësisht medaljen e parë të Kosovës në karate në këtë garë, duke i dhënë përfaqësueses kosovare një tjetër rezultat të rëndësishëm.

Selmani ka arritur të kualifikohet në finalen e kategorisë së tij, ku do të kërkojë ta kurorëzojë paraqitjen me medaljen e artë. Lajmin e ka bërë të ditur Komiteti Olimpik i Kosovës përmes një postimi në Facebook.

“Karateisti ynë u kualifikua në finale, ku synon të artën. FORCA KAMPION!”.

Me kalimin në finale, Selmani tashmë e ka të garantuar një medalje, ndërsa sfida e radhës do të përcaktojë nëse ai do të ngjitet në shkallën më të lartë të podiumit.