Loading…

Ishte dëshmitar i një vjedhjeje, pretendon të jetë rrahur nga Policia në Prishtinë (Video)

  • 17/06/2017 | 21:17

Ishte dëshmitar i një vjedhjeje, pretendon të jetë rrahur nga Policia në Prishtinë (Video)

I riu Gazmend Sula shkoi në Stacionin Policor Qendra në Prishtinë si dëshmitar i një vjedhjeje, por thotë se u rrah nga policia.


18-vjeçari nga Shkodra, bashkë me nënën e tij Lumturien, thonë se mbrëmë ishin te mikesha e tyre në Prishtinë, Bedrie Meha, së cilës të shtunën iu vodh telefoni, raporton KTV.

Sula thotë se ngjarja ndodhi rreth orës 11 te Biblioteka Kombëtare, teksa ai ishte bashkë me mikeshën familjes së tij, dhe se policia e zuri menjëherë hajnin.

Ndërsa, pretendon se kur shkoi për të dëshmuar, u rrah nga tre policë.

Teksa shprehet e vendosur se do ta çojë rastin deri në fund duke ndjekur rrugët ligjore, nëna e Gazmendit, thotë se nuk e kupton pse u rrah djali i saj.

Ajo shton se djali i saj është plotësisht i pafajshëm.

Dy shtetasit e Shqipërisë thonë se morën kërcënime nga policia, që të mos u drejtohen mediave për atë që ka ndodhur.

Zëdhënësi i Policisë për Rajonin e Prishtinës, Agron Borovci, ka thënë se nuk mund të flasë për rastin në fjalë, pasi nuk ka qenë në zyrë.

Ndërsa, ka shtuar se policia mbetet e përkushtuar për t’ju përmbajtur ligjeve dhe se kushdo që mendon se ndaj tyre është bërë shkelje, mund të drejtohet në stacionin policor ose Inspektoratin Policor.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë