Loading…

Ish’kryespiuni kosovar i bashkohet ekipit të presidentit Thaçi (Foto)

  • 03/04/2017 | 17:24

Ish’kryespiuni kosovar i bashkohet ekipit të presidentit Thaçi (Foto)

Ish-shefi i AKI-së, Bashkim Smakaj, së fundit është angazhuar si këshilltar politik i Presidentit Hashim Thaçi.


Bashkim Smakaj ishte dorëhequr nga pozita e shefit të Agjencisë Kosovare të Inteligjencës në Janar të 2015-s, pak kohë pasi në media kishin rrjedhur disa informacione sekrete nga AKI-ja.

Tash, në faqen e presidentit të vendit, emri i Smakajt figuron si njëri nga 11 këshilltarët politik të Hashim Thaçit.

Në faqen e Presidencës, për ish-kryespiunin, sikurse edhe për anëtaret tjerë të Kabinetit të Presidentit nuk jepen të dhëna tjera e as biografi, përveç emrit dhe pozitës, shkruan Gazeta Express.

screenshot_7

Gjatë periudhës gjashtë vjeçare sa AKI’ja drejtohej nga Smakaj, që prej themelimit të inteligjencës kosovare, si shef i saj,ai ishte përballur edhe me skandale tjera si punësimet dhe tender për ‘dosta’, shmangie e kontrollit parlamentar e deri tendenca për të kidnapuar njerëz.

Por, rasti më i rëndë ishte operacioni i dekonspiruar i kthimit të fëmijës Erion Zena nga Siria, ku edhe AKI’së pretendohej se i ishin vrarë disa agjentë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë