Ish-avokati dështoi ta vriste gruan pasi harroi siguresën armës, për pak sekonda e shpëtoi kamarieri
-
10/09/2026 | 11:25
Një avokat u shpall fajtor pasi tentoi ta vriste ish-gruan e tij me armë në një restorant në Toledo të Ohios, transmeton Gazeta Metro.
Ngjarja kishte ndodhur më 11 prill 2025, në restorantin “Sabira”, ku Matthew Exton, 43-vjeçar, tentoi ta qëllonte ish-bashkëshorten.
Mirëpo, për fat të mirë, gjuajtja dështoi pasi ai kishte harruar t’ia hiqte siguresën armës dhe ajo ishte e bllokuar.
Në ato çaste, me shpejtësi ndërhyri një kamarier, i cili u hodh drejt tij dhe ia kapi armën, duke e parandaluar që të provonte të qëllonte përsëri.
Exton u shpall fajtor për tentim-vrasje dhe dy akuza për sulm të rëndë, ndërsa për një akuzë tjetër për sulm u shpall i pafajshëm. Dënimi ndaj tij pritet të caktohet më vonë gjatë këtij muaji.
Exton kishte punuar më herët si prokuror në Michigan dhe ishte i licencuar si avokat në Ohio. Ai dhe ish-bashkëshortja ishin divorcuar në vitin 2024./gazetametro.net
A former Ohio attorney tried to shoot his ex-wife but forgot to take the safety off…
On another note–that waiter deserves a raise pic.twitter.com/xX3awzbvAn
— ₩₳Ɽ ₱₳₮Ⱨ (@WarPath2pt0) September 9, 2026
