Loading…

Inteligjenca gjermane: Niveli i spiunazhit mund të jetë më i lartë se gjatë Luftës së Ftohtë

  • 19/05/2022 | 21:28

Inteligjenca gjermane: Niveli i spiunazhit mund të jetë më i lartë se gjatë Luftës së Ftohtë

Niveli i spiunazhit gjatë luftës në Ukrainë është pothuajse i njëjtë me atë të Luftës së Ftohtë ose edhe më i lartë, tha kreu i shërbimit inteligjent gjerman Thomas Haldenwang, transmeton Gazeta Metro.


Kreu i shërbimit të inteligjencës gjermane paralajmëroi për një rrezik të shtuar të sabotimit në kontekstin e luftës në Ukrainë.

Haldenwang, i cili drejton Shërbimin Federal për Mbrojtjen e Rendit Kushtetues (BfV), paralajmëroi për një rrezik të shtuar të sabotimit në kontekstin e luftës në Ukrainë.

Ai tha se Gjermania kishte zbuluar një numër spiunësh rusë që vepronin në vend vitet e fundit.

Shefi i inteligjencës gjermane beson se “në një botë armiqësish të hapura dhe sanksionesh drastike, pragu i frenimit për spiunazh, sabotim dhe ndikim të paligjshëm do të vazhdojë të bjerë”.

Promovimi i propagandës kundër qeverisë

Intelegjenca gjermane ka intensifikuar monitorimin e aktiviteteve të grupeve dhe individëve ekstremiste që duan të vënë në dyshim legjitimitetin e shtetit pas pandemisë dhe luftës në Ukrainë.

Haldenwang tha se rreziku i paraqitur nga lëvizje të tilla është rritur për shkak të forcave të huaja dhe synimeve të tyre për të promovuar propagandën anti-qeveritare nëpërmjet dezinformimit, shkruan AJB.

Ministrja e Brendshme gjermane Nancy Faeser ka akuzuar presidentin rus Vladimir Putin se ka inkurajuar idenë e “rusofobisë” në Perëndim që nga fillimi i luftës në Ukrainë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë