Loading…

Insekti që po i rrezikon pushuesit në plazhet shqiptare

  • 04/07/2017 | 19:54

Insekti që po i rrezikon pushuesit në plazhet shqiptare

Insekti që njihet me emrin harrje në gjuhën popullore, i shfaqur masivisht këtë vit në Divjakë, është shndërruar në problem për pushuesit.


Nga pickimi i tyre qytetarët janë mbushur me puçra të mëdha në lëkurë të shoqëruara këto me kruarje. Ekspertët thonë se nuk janë të rrezikshme përsa kohë nuk transmetojnë sëmundje infektive, pasi sëmundja që ato përhapin nuk është në Europë, theksojnë ata.

Specialistja Enkelejda Dikolli ndodhet në Tropojë për të parë rastet atje.

“Është agresiv. Ka qenë gjithmonë i pranishëm në vendin tonë, por ndjeshmëria këtë vit ka qenë më i lartë dhe në varësi të personave që pickohen, shkakton reaksione alergjike të forta. Nga pickimi kruarjet mund të vazhdojnë deri pas 48 orësh dhe shenjat, si gunga e kruarjet ka raste deri në tre javë”, thotë Dikolli për Top Channel.

Përveçse në Divjakë, harrjet këtë vit jane ndeshur edhe në Shirokë, Lezhë, Orikum e vende të tjera, pasi ato zhvillohen në ato zona ku ka ujë të rrjedhshëm. Zhvillimi i tyre fillon që në muajin mars, por pikun e arrijnë në qershor dhe fluturojnë në turma.

“Personat e ndjeshëm të shmangin ekspozimin në kulmin e aktivitetit të harrjeve, që është në mëngjes nga ora 9 deri në orën 10 dhe në mbrëmje me freskimin e kohës, ku janë shumë aktive. Po ashtu këshillohet edhe përdorimi i lëndëve larguese, si kremi apo në formë spraji”, thotë ajo.

Sipas Dikollit, desinsektimi që po bëhet për mushkonjat nuk ndikon aspak për harrjet. Për këtë insekt nuk ka shumë njohuri në vendin tonë. Vetëm tani specialistët tanë nën konsulencë edhe të ekspertëve të huaj janë duke monitoruar situatën për të ngritur me pas një program desinsektimi, ashtu sikurse dhe për mushkonjat.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]ametro.net
Adresa: Rr. Tringë Smajli, Nr. 16
Prishtinë 10000
Kosovë