Loading…

‘Iluzion i diçkaje të pamundur’: Fanella e re e Ukrainës tërbon rusët

  • 07/06/2021 | 19:25

‘Iluzion i diçkaje të pamundur’: Fanella e re e Ukrainës tërbon rusët

Fanella e re e skuadrës kombëtare të Ukrainës, me të cilën do të luajë në Euro 2020, ka sjellë reagim të ashpër nga Rusia.


Në fanellë është përfshirë harta e shtetit ukrainas, përfshirë edhe Gadishulli i Krimesë, i aneksuar nga Rusia në vitin 2014, dhe i konsideruar si pjesë e federatës tashmë. Një deputet rus e quajti këtë veprim të Ukrainës si “provokim politik”. Ndërsa zëdhënësja e Ministrisë së Jashtme ruse, Maria Zakharova, tha se përfshirja e Krimesë krijonte “iluzionin e diçkaje të pamundur”.

Por dizajni i ri i fanellës është miratuar nga UEFA, siç raporton BBC, pasi i plotëson të gjitha rregullat në fuqi. Në pjesën e përparme të fanellës duket harta e Ukrainës, me vijë të bardhë, ku shfaqet edhe Gadishulli i Krimesë dhe territoret e Donjetskut dhe Luhanskut, të cilat kontrollohen nga separatistë të mbështetur nga Rusia.

Në pjesën e pasme të fanellës është stampuar slogani “Lavdi Ukrainës!”, një fjali e brohoritur nga protestuesit që detyruan largimin nga detyra të presidentit Viktor Yanukovych në vitin 2014, i cili kishte marrëdhënie të mira me Moskën.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë