Loading…

I mohoi Napolit zonën Champions, trajneri i Veronës ‘shpërthen’ ndaj gazetarit

  • 24/05/2021 | 18:21

I mohoi Napolit zonën Champions, trajneri i Veronës ‘shpërthen’ ndaj gazetarit

Trajneri i Veronës, Ivan Juric, u nervozua me gazetarin e Sky, i cili i nisi pyetjet me komentin “Verona u paraqit ndryshe nga ndeshjet e fundit kundër Napolit”.


Verona barazoi 1-1 në transfertë ndaj Napolit, rezultat që e la ekipin e Gennaro Gattusos jashtë zonës Champions.

Juric iu hakërrye menjëherë gazetarit: “The një budallallëk të madh që në fillim, po tregon mungesë respekti. Skuadra ime ka dhënë gjithmonë maksimumin, kjo sjellje që vërehet në Itali është e papranueshme. Nëse nuk i ndjek ndeshjet tona, nuk mund të flasësh kështu. Nuk bëhet kështu”.

Edhe ndërhyrja nga studio nuk e qetësoi trajnerin Juric, i cili gjithsesi i dha një mundësi tjetër gazetarit për të riformuluar pyetjen. Por, gazetari nuk e shfrytëzoi: “Pamë sot një Veronë me motivim ndryshe…”.

Juric ia ktheu: “Prapë ti? Po tregon mungesë respekti. Nuk e pranoj diskutimin “ditët e tjera jo, sot po”. Skuadra ka dhënë gjithmonë maksimumin. Nuk shkon kështu, duhet të më kërkosh falje”.

Pas kësaj, trajneri u largua nga intervista.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë