Loading…

I bie pishman: Ministri liron nga detyra këshilltarin e arrestuar me 113 kilogramë drogë

  • 06/10/2020 | 10:00

I bie pishman: Ministri liron nga detyra këshilltarin e arrestuar me 113 kilogramë drogë

Ministri i Drejtësisë, Selim Selimi, e ka liruar nga pozita e këshilltarit Enis Qerkën, i cili dyshohet se muaj më parë ishte arrestuar pasi u kap me 113 kilogramë drogë, shkruan Gazeta Metro.


Vet ministri Selimi, përmes një shkrimi në rrjetin social Facebook ka bërë të ditur se këtë veprim e mori pas raportimit të sotëm të mediave.

“Sot në mëngjes pas raportimit të mediave, kam liruar nga detyra Enis Qerkën”, ka shkruar ai.

https://www.facebook.com/selimselimiks/posts/174161624318290

Ndryshe, sot në media është raportuar se Enis Qerka është emëruar këshilltar i jashtëm politik i ministrit të Drejtësisë, Selim Selimi.

Vendimin për emërimin e tij, Ministria e Drejtësisë nuk e ka bërë publik sikurse për këshilltarët e tjerë të ministrit.

Enis Qerka u bë i njohur në opinion kur u arrestua në kufirin Kosovë-Maqedoni me dyshimin se ishte i përfshirë në kontrabandimin e 113 kilogramëve narkotikë të llojit heroinë, në dhjetor 2018./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: info[email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë