Loading…

Hoxhaj: Fitorja e Fillimit të Ri nis në Prizren

  • 30/05/2017 | 23:20

Hoxhaj: Fitorja e Fillimit të Ri nis në Prizren

Zëvendëskryetari i PDK-së, Enver Hoxhaj ka qëndruar sot në Prizren ku ka takuar strukturat e partisë, qytetarë dhe përkrahës të Partisë Demokratike.


Hoxhaj ka falënderuar prizrenasit për përkrahjen, duke thënë se fitorja e Fillimit të ri dhe e koalicionit zgjedhor, nis nga Prizreni.

Gjatë këtyre takimeve, Hoxhaj ka folur për rritjen prej 30 për qind të pagave si prioritet i Fillimit të Ri, përkushtim i kryetarit të Partisë, Veseli si dhe i koalicionit parazgjedhor.

Megjithatë, Hoxhaj ka thënë se mbi të gjitha përkushtim i koalicionit është përmirësimi i mjedisit ekonomik dhe krijimi i vendeve të reja të punës, përmes mbështetjes së sektorit privat dhe reformave të mëdha buxhetore, fiskale dhe financiare.

“Rritja e pagave është prioritet i fillimit të ri, kryetarit të PDK-së, zotit Veseli dhe koalicionit parazgjedhor. Mirëpo, përkushtimi ynë kryesor si qeveri e ardhshme do të jetë përmirësimi i mjedisit ekonomik dhe krijimi i vendeve të reja të punës. Kjo do të bëhet përmes mbështetjes së sektorit privat dhe reformave të mëdha buxhetore, fiskale dhe financiare”, ka deklaruar Hoxhaj.

Hoxhaj ka qëndruar në Prizren së bashku me kolegët e tij të partisë, Xhavit Haliti dhe Nait Hasani. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë