Loading…

Hoxhaj: Ballkani mund të jetë fronti i dytë i një lufte hibride

  • 20/05/2022 | 10:59

Hoxhaj: Ballkani mund të jetë fronti i dytë i një lufte hibride

Konflikti në Rusi ka shtuar shqetësimin edhe në rajonet e tjera nga ato të përfshira drejtpërdrejt në konflikt. Ballkani Perëndimor është një nga zonat më të prekura nga vala e përplasjes së madhe midis Perëndimit dhe Moskës.


Ish-ministri i Jashtëm i Kosovës, Enver Hoxhaj, ka shkruar një botim voluminoz mbi këtë konflikt dhe pasojat të mundshme, edhe afër nesh.

Sipas tij, Ballkani ka qenë gjithmonë prioriteti gjeostrategjik i Kremlinit, madje i dyti për nga rëndësia.

“Prioritetin rus për Ballkanin e ka deklaruar vetë Putin kur vizitoi Zagrebin në vitin 2000, është më i rëndësishmi pas Detit të Zi. Ukraina është fronti i parë, Ballkani është i dyti, edhe pse nuk mund të ketë këtu një luftë të hapur”, tha Hoxhaj.

“Përdoren instrumente politike, ku ka parti që kanë marrëdhënie të ngushta me Rusinë, Serbia ka marrëdhënie strategjike, është një lloje platforme ruse për të ndikuar në Ballkan. Rusia ka përdorur edhe investimet ekonomike, si dhe atë që cilësohet si fuqia e butë, pra mediat dhe jeta akademike, gjithçka në tentativën për të krijuar ndikim.”, thotë Hoxhaj në A2CNN.

Ndikim ky, nga i cili faktori shqiptar sipas Hoxhajt është i përjashtuar.

“Partitë në Shqipëri, Kosovë por edhe në pjesën shqiptare të Maqedonisë së Veriut, kanë marrëdhënie me parti anëtarë të Parlamentit Evropian, ndërkohë që në Serbi, në republikën serbe në Bosnje por edhe në Maqedoninë e Veriut, ka parti që janë platformë ruse. Putin dhe Vuçiq kanë shumë gjëra të përbashkëta, Serbia dhe Rusia apo ashtu. Kjo që po ndodh tregon se Rusia nuk e ka tejkaluar ankthin për shpërbërjen e Bashkimit Sovjetik, ashtu si Serbia nuk ka kaluar atë të Jugosllavisë”, tha ai.

Hoxhaj mendon se për këtë arsyeje Kosova duhet të tregohet vigjilente, por se rreziku buron tjetërkund. Nuk mendoj se Kosova mund të jetë cak direkt i kërcënimit. Shqiptarët në Kosovë dhe kudo janë faktori më pro-perëndimor. Ndërkohë, vendi që mund të ndikohet më shumë është Bosnja.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë