Hoti udhëton për në Washington: Do të takohem me kongresistë, senatorë e mbështetës të Kosovës

Avdullah Hoti, deputet i Lidhjes Demokratike të Kosovës, ka njoftuar se sot, do të udhëtojë për në Washington, për të marrë pjesë në Lutjet e Mëngjesit në Kongresin Amerikan, shkruan Gazeta Metro.

Ai ka shtuar edhe se, gjatë ditëve sa do të qëndrojë atje, ai do të takohet me kongresistë e senatorë dhe miq e mbështetës të Kosovës.

Hoti ka thënë se bashkë me të do të jenë edhe disa kolegë deputetë.

‘’Sot, me disa kolegë deputetë, udhëtoj për Uashington për të marrë pjesë në Lutjet e Mëngjesit në Kongresin Amerikan — një ngjarje vjetore që mbledh politikanë nga shumë vende të botës. Gjatë tri ditëve të qëndrimit në Uashington do të takoj kongresistë e senatorë dhe miq e mbështetës të Kosovës nga ShBA-ja dhe vende të ndryshme’’, ka thënë Hoti. /gazetametro.net