Hoti troç: Sërish përfaqësuesja e SHBA’së kërkoi diversifikimin energjetik të Kosovës përmes gazit amerikan

Ish-kryeministri i Kosovës, Avdullah Hoti, reagoi pas deklaratave të së Ngarkuarës me Punë në Ambasadën e SHBA-së në Kosovë, Annu Prattipati, lidhur me rëndësinë e diversifikimit të burimeve të energjisë, transmeton Gazeta Metro.

Përmes një shkrimi në rrjetet sociale, Hoti ka thënë se përfaqësuesja amerikane ka rikujtuar nevojën që Kosova të ecë përpara me projekte që synojnë zgjerimin e alternativave energjetike, duke përmendur gazin amerikan.

“Edhe sot, duke iu referuar projektit të gazit amerikan, përfaqësuesja e SHBA-së në Kosovë kërkoi që Kosova të diversifikojë burimet energjetike. Ajo e përshëndeti angazhimin e Odës Ekonomike Amerikane në mbështetje të këtij projekti madhor dhe strategjik”, shkroi Hoti.

Sipas Hotit, mbështetja për këtë projekt paraqet një çështje me rëndësi strategjike për të ardhmen energjetike të Kosovës./gazetametro.net